Langile eraildu bati:

I:

¡Ene Bizkaia-ko miatze gorri
zauri zarae mendi ezian!
Aurpegi balzdun miatzarijoi
ator pikotxa lepo-gainian
Lepo-ganian pikotx zorrotza
eguzki-diz-diz ta mendiz bera.
Ator bideskaz, -goxa sorbaldan-,
kezko zeruba jaukon olera.
Opor-otsa dok txaide zabalan,
-ukabil sendo, soñanzki urdin-.
Kaubiak, barriz, nasai entzunda,
laguntzat auka, i, urrutizkin.
Aurpegi baldzun miatzarijoi
ari bittartez dejak jabiltzak.
¡Bideskan zelan dirdir -dagijek
txapel- okerren kapela baltzak!
¡Orreik jaukoen gaizkin -itxura
sispa luziak lepo- ganian!
¡Ene Bizkaia-ko miatze gorri,
zauri zarae mendi ezian!

II:

Mendiz bera lau txapel -okerrez
aurpegi balzdun miatzarija.
Begi baltz orreik sastakai dozak
baina zatittu ezin esija.
Noruntz aroe esku -lotuta
burni margodun gorputz gogorroi?
¡Sendua ba'intz, etsai - odolez
bustiko eunken pikotx zorrotxoi!
¡Nerbion - ertzok, - tranbi - dardara -,
azkatu - majez, zenbat alegin!
Baiña olaen zarata - artian
aren aiotsik adittu ezin!
Sispa luziak sutan jagozak,
opor zaratak txaide zabalan -.
¡Aurpegi balzdun miatzarijoi
igeri adi eure odolan...!
Txapel - okerrak edango jabek
ardao onena Gomez - etxian.
Ene Bizkaia'ko miatze gorri,
zauri zarae mendi ezian.

Esteban Urkiaga